“Konstitusiya və Suverenlik İli" çərçivəsində və Ulu Öndər Heydər Əliyevin 102-ci ildönümü ilə əlaqədar Abşeron rayonu ərazisində "Stansiya Sumqayıt” adlanan ərazidə yerləşən şəhərcikdə tibbi aksiya təşkil edilib.

Qubadlı Rayon Mərkəzi Xəstəxanasının tabeliyindəki Mahruzlu həkim məntəqəsində keçirilən aksiyanın məqsədi əhalinin sağlamlığının qorunması, xüsusilə həssas təbəqələrin tibbi xidmətlərə əlçatanlığının artırılmasından ibarət olub.

Bu barədə Aztibb.az-a Xəstəxanadan xəbər verilib.

Tibbi aksiya çərçivəsində Qubadlı Rayon Mərkəzi Xəstəxanasının Poliklinika şöbəsinin pediatriya, terapiya, kardiologiya, nevrologiya, oftalmologiya və endokrinologiya sahələri üzrə peşəkar həkim heyəti tərəfindən müayinələr aparılıb. Səhhətində problem aşkarlanan sakinlərə tibbi məsləhətlər verilib, müvafiq müalicələr təyin olunub.

Sakinlər onlara göstərilən tibbi xidmətin səviyyəsindən razı qaldıqlarını bildiriblər.