Stanford Universitetinin alimləri beynimizin düşündüyümüzdən daha ağıllı və çevik olduğunu ortaya çıxarıblar.

Aztibb.az xəbər verir ki, araşdırma nəticəsində məlum olub ki, beynimiz öyrənərkən hər dəfə eyni yolu getmir, lazım gəldikcə fərqli yollar tapır və bu da onu daha ağıllı edir.

İndiyə qədər düşünülürdü ki, iki neyron eyni anda işləyəndə aralarındakı əlaqə güclənir və öyrənmə baş verir. Lakin yeni araşdırmanın nəticələrinə görə, beyin daha fərqli işləyir: eyni neyronun müxtəlif hissələri fərqli yollarla öyrənə bilir. Alimlər bunu siçanlar üzərində yoxlayıblar. Siçanlara tapşırıq veriblər və onların beynindəki dəyişiklikləri işıq saçan cihazlarla izləyiblər. Nəticədə məlum olub ki, beyindəki sinapslar (neyronların bir-birinə toxunduğu yerlər) eyni qaydada deyil, fərqli çalışır. Bu kəşf həm insanların öyrənmə və yaddaş anlayışını dəyişə, həm süni intellekt sahəsinə təsir edə, həm də depressiya kimi ruhi problemlərin daha yaxşı müalicəsinə yol aça bilər.