Pasiyent Səbinə Eyyubova 14.04.2025-ci il tarixində D.56.1 Hemoziqot B. talassemiya splenomeqaliya hipersplenizm ilə kalkulyoz xalesistit diaqnozu, ağır anemiya, qarında ağrılar, yüksək ferritin, D-dimer müşahidəsi ilə ağır vəziyyətdə Respublika Klinik Xəstəxanasına hospitalizasiya olunub.

Xəstəxanadan Aztibb.az-a bildirilib ki, əməliyyat riski yüksək olduğuna görə xəstə bir neçə gün həkim-hematoloq Vüqar Şirzadov tərəfindən uğurla əməliyyata hazırlanıb. Əməliyyatdan əvvəl 10 gün xəstəyə hematrausfuziyalar, eritrosit kütləsi, plazua allumin, hepazin inyeksiyaları icra olunub.

Pasiyent 22.04.2025-ci il tarixində ümumi narkoz altında cərrahi xidmətlər üzrə direktor müavini, həkim-ümumi cərrah t.ü.f.d Elçin Mirzəyevin rəhbərliyi, həkim-anestezioloq-reanimatoloq Natella Əliyevanın iştirakı ilə smulitout cərrahi əməliyyat icra olunub.

Əməliyyatı uğurlu keçən pasiyent Səbinə Eyyubova öz təşəkkür məktubunda Vüqar Şirzadova, Elçin Mirzəyevə və Ümumi cərrahiyyə şöbəsinin əməkdaşlarına, TƏBİB-ə və direktor Elviz Qasımova təşəkkürünü bildirib.

Qeyd edək ki, talassemiya xəstəsi olan pasiyent 4 klinik mərkəzdən imtina aldıqdan sonra Respublika Klinik Xəstəxanasına müraciət edib.