Bursadakı xəstəxanaya nəfəs darlığı, quru öskürək və başgicəllənmə şikayətləri ilə müraciət edən 104 yaşlı Embiye Kadıoğlu qapalı ürək qapağı əməliyyatı ilə sağlamlığına qovuşub.
Aztibb.az medimagazin.com.tr-yə istinadla xəbər verir ki, Bursada yaşayan Embiye Kadıoğlu anestezioloq Özcan Kadıoğlu tərəfindən işlədiyi Bursa Şəhər Xəstəxanasına aparılıb. Müayinələrdən sonra Kadıoğluya yaşla əlaqədar kalsifikasiya nəticəsində ürək qapaqlarının daralması diaqnozu qoyulub. Yaşına görə açıq ürək əməliyyatı keçirə bilməyən Embiye Kadıoğlunun aorta qapağı qasıq venasından daxil edilərək döş qəfəsi açılmadan edilən Transkateter Aortik Qapaq İmplantasiyası (TAVI) adlı üsulla dəyişdirilib.
Təxminən 40 dəqiqə davam edən əməliyyatı kardiologiya mütəxəssisi prof. Mehmet Özcan həyata keçirib. Doktor Hakan Erkan bildirib ki, Embiye Kadıoğlunun ən böyük üstünlüyü yaşının çox olmasına baxmayaraq heç bir xroniki xəstəliyinin olmamasıdır.
