Məlumdur ki, hazırda kosmosda pomidor, kahı və kartof kimi tərəvəzlər yetişdirmək mümkündür. Lakin bununla kifayətlənməyən fransalı tədqiqatçılar Ayda balıq ferması yaratmaq niyyətindədirlər.

Aztibb.az xəbər verir ki, Fransa Milli Okean Tədqiqatları İnstitutunun bioloqu Cyrille Przybyla tərəfindən təklif olunan layihənin məqsədi ilkin olaraq kosmosa lavrak balığının yumurtalarını göndərmək və bu canlıların mikroqravitasiya şəraitində inkişafını müşahidə etməkdir. Przybyla qeyd edib ki, balıq astronavtlar üçün ideal protein mənbəyidir. Çünki bu qida ən asan həzm olunan heyvan zülallarından biridir. Omeqa-3 yağ turşuları və B vitaminləri ilə də zəngindir. Bunlar uzun müddətli kosmik missiyalar zamanı əzələ itkisinin qarşısını almaq üçün vacibdir.

Layihə rəhbərinin sözlərinə görə, səthdə edilə bilən bütün simulyasiyalar artıq həyata keçirilib və uğurlu alınıb.