Azərbaycan Tibb Universitetinin (ATU) əməkdaşı Günel Hacıyeva İstanbul Aydın Universiteti Diş Həkimliyi fakültəsi II Beynəlxalq Elmi Konqresində məruzə ilə çıxış edib.
ATU-dan Aztibb.az-a verilən məlumata görə, Ağız və üz-çənə cərrahiyyəsi kafedrasının əməkdaşı G.Hacıyeva “Artırılmış reallıq. Ziqoma implantasiyasında planlama və naviqasiya” adlı elmi məruzəsini iştirakciların didqətinə çatdırıb. O, çıxışının sonunda auditoriyanın suallarını cavablandırıb.
Elmi konqresin məqsədi tibb təhsili üzrə mütəxəssislərin bilik və təcrübə mübadiləsini təmin etmək, həm ölkəmizdə, həm də qardaş Türkiyədə tibb elminin inkişafına töhvə verməkdən ibarətdir. Belə tədbirlər univerisitetlər arası daha sıx əlaqələrin yaranmasına, əməkdaşlıq imkanlarının artırılmasına şərait yaradır.
