Diabetik ayaq sindromu şəkərli diabetin ağırlaşmalarından biridir. Bu problem əsasən qan dövranının zəifləməsi və sinir zədələnməsi nəticəsində baş verir.

 

Aztibb.az xəbər verir ki, diabetli insanlarda qanda qlükoza səviyyəsi uzun müddət yüksək olduqda sinir uclarının zədələnməsi nəticəsində ayaqlarda hissiyyat azalır, toxumaların sağalması ləngiyir, infeksiya riski artır.

 

Bu sindrom əsasən ayaqlarda hissiyyatın azalması, şişkinlik, yaraların gec sağalması, dəri rəngində dəyişiklik, temperaturun artması kimi əlamətlərlə özünü göstərir.

 

Diabetik ayaq sindromundan qorunmaq üçün:

Qanda qlükoza səviyyəsini nəzarətdə saxlayın;

Gündəlik ayaq baxımına diqqət edin;

Rahat və ortopedik ayaqqabılar geyinin;

Ayaqlarınızı isti və quru saxlayın;

Fiziki aktivliyi artırın;

Mütəmadi olaraq həkim müayinəsindən keçin.

 

Erkən diaqnoz və düzgün baxımla diabetik ayaq sindromunun qarşısını almaq mümkündür.