Amerikalı alimlər ölümdən sonrakı həyatla bağlı iddialı fərziyyə irəli sürərək elm dünyasını silkələyiblər.

Aztibb.az-ın məlumatına görə, tədqiqatçılar bildirirlər ki, insan həyatı fiziki ölümlə bitmir, əksinə mövcudluğun yeni formasına keçir. Lakin mütəxəssislər bunu təsdiqləmək üçün müasir elmdə hələ əlçatan üsulların olmadığını söyləyirlər.

Onlar qeyd edirlər ki, insanın şəxsiyyəti fiziki ölümdən sonra müasir alətlər tərəfindən aşkar edilməyən maddənin başqa ölçüsündə və ya vəziyyətində qala bilər. Bu ideyanın maddi bədəndən azad olan və mənəvi ölçüdə mövcudluğunu davam etdirən ruhun ölməzliyi ilə bağlı dini anlayışlarla müəyyən uyğunluğu var. Fərziyyə bir sıra müşahidələrə, o cümlədən ölümə yaxın təcrübələrə dair hesabatlara əsaslanır. Burada ölümə yaxın təcrübə keçirmiş insanlar oxşar hissləri bildirirlər: tuneldən keçərkən parlaq işıqla qarşılaşmaq, ölən qohumları ilə ünsiyyətdə olmaq və ya öz həyatlarında baş verən hadisələri nəzərdən keçirmək. Digər tədqiqatçılar bu hadisələrin ölmək üzrə olan beyindəki biokimyəvi proseslərlə izah edilə biləcəyinə inanırlar. Hazırda nə ruhun varlığına, nə də onun reinkarnasiyasının mümkünlüyünə dair təkzibedilməz elmi dəlil var.

Tədqiqatçılar ümid edirlər ki, onların fərziyyəsi təsdiqlənərsə, bu, insanın həyat və ölüm haqqında təsəvvürlərin əsaslı şəkildə yenidən nəzərdən keçirilməsinə gətirib çıxara bilər.