Uqanda paytaxt Kampalada 42 günlük monitorinq müddəti başa çatdıqdan sonra Ebola epidemiyasının bitdiyi elan edilib.

Aztibb.az-ın medimagazin.com.tr-yə istinadla məlumatına görə, Uqanda Səhiyyə Nazirliyi sosial mediada bəyan edib ki, sonuncu təsdiqlənmiş xəstə martın 14-də evə buraxıldıqdan sonra 42 gün keçsə də, yeni yoluxma halı aşkarlanmayıb.

Ümumdünya Səhiyyə Təşkilatı (ÜST) də Uqandada Ebola epidemiyasının ölkədə monitorinq prosesinin başa çatması ilə bitdiyini açıqlayıb.

ÜST yaydığı bəyanatda epidemiya zamanı 12-si təsdiqlənmiş, 2-si ehtimal olunan 14 yoluxma hadisəsinin qeydə alındığını, onlardan 4-nün həyatını itirdiyini, 10-nun sağaldığını bildirib.