Braziliyanın Kampinas Dövlət Universitetinin (UNICAMP) alimləri sübut ediblər ki, müntəzəm ağırlıqqaldırma məşqləri yaşlı insanlarda idrak funksiyalarını və beynin quruluşunu əhəmiyyətli dərəcədə yaxşılaşdıra bilər.

Aztibb.az xəbər verir ki, "GeroScience" jurnalında dərc edilən araşdırmaya yüngül idrak pozğunluğu olan 44 nəfər cəlb olunub. Həftədə iki dəfə məşq edən iştirakçılar şifahi epizodik yaddaşda əhəmiyyətli yaxşılaşma nümayiş etdiriblər. Nəzarət qrupundakı digər məşq etməyən iştirakçılarda isə göstəricilər pisləşib. Araşdırmalar göstərib ki, uzunmüddətli məşqlər demensiyanın inkişafını ləngidə bilər.

Alimlər bildiriblər ki, məşqlər beyində neyronların böyüməsi üçün vacib zülalların istehsalını stimullaşdırır. Bu isə orqanizmdə iltihabı azaltmaqla neyrodegenerasiyanın qarşısının alınmasında həyati əhəmiyyət kəsb edir.