İspaniyada aparılan bir araşdırma, Alzheimer xəstəliyinin yeni hazırlanmış qan testi ilə erkən aşkarlana biləcəyini göstərib.

Aztibb.az-ın medimagazin.com.tr-yə istinadla məlumatına görə, Hospital del Mar Araşdırma İnstitutunun və Barselona Beta Beyin Araşdırma Mərkəzinin (BBRC) tədqiqatçıları Alzheimer riskini təyin etmək üçün istifadə edilən “phospho-tau217” biomarkerinin hətta xəstəliyin ilkin mərhələlərində də təsirli olduğunu öyrəniblər.

Tədqiqat çərçivəsində İsveçdə dörd xəstəxana əsaslı qrup və ilkin tibbi yardım qrupu üzrə 1767 nəfərin məlumatları təhlil edilib. Tədqiqatçılar bu biomarkerin Alzheimerin idrak pozğunluğunun əlamətlərini göstərən fərdlərdə dəqiq olduğunu tapıblar. Test xüsusilə xəstəliyin ilkin mərhələlərində yüksək dəqiq nəticələr verib.

Hospital del Mar və Barselona Beta Brain Research Center-də olan Dr. Marc Suarez-Calvet, 'P-tau217' biomarkerinin səviyyələrinin iki fərqli həddi müəyyən etdiyini, bu səviyyələr arasında qalan insanların əlavə testlərə ehtiyacı olduğunu və biomarker nəticələrinin həmişə bir mütəxəssis səhiyyə işçisi tərəfindən qiymətləndirilməsi lazım olduğunu vurğulayıb.