TƏBİB-in region xəstəxanalarının inkişaf etdirilməsi, tibb müəssisələrinin modernləşməsi, onların yeni tibbi avadanlıqlarla təmin olunması, paytaxtdan asılılığının azaldılması və beləliklə, keyfiyyətli tibbi xidmətlərə əlçatanlığının təmin edilməsi istiqamətində gördüyü işlər müsbət nəticələr verməkdədir.

 

Tərtər Rayon Mərkəzi Xəstəxanasından Aztibb.az-a verilən xəbərə görə, tibb müəssisəsində flebektomiya əməliyyatı icra olunub.

 

Cərrahi əməliyyat 1948-ci il təvəllüdlü şəxs (qadın cinsli) üzərində aparılıb və hər iki aşağı ətraf venalarının genişlənməsi diaqnozu ilə flebektomiya əməliyyatı icra edilib.

 

Cərrahi əməliyyatdan sonra 77 yaşlı pasiyentin vəziyyəti qənaətbəxş hesab edilir. Onun müalicəsi stasionar şəraitdə müvafiq şöbədə davam etdirilir.

 

Qeyd edək ki, bugünədək, əsasən, paytaxtdakı ixtisaslaşmış tibb müəssisələrində icrası mümkün olan bir sıra mürəkkəb əməliyyatlar, həmçinin tibbi müayinələr artıq region xəstəxanalarında da həyata keçirilir.