Hamiləlikdə ən çox rastlaşdığımız problemlərdən biri Gestasonial diabet, yəni, hamiləlik şəkəridir.

Aztibb.az-ın məlumatına görə, hamiləlik şəkəri, ilk dəfə hamiləlik dönəmində ortaya çıxan şəkər yüksəkliyidir. Çox su içmək, tez-tez sidiyə getmək, halsızlıq hamiləlik şəkərinin göstəriciləri ola bilər.

Daha əvvəl şəkərli diabeti olan hamilə qadının şəkər yüksəkliyi isə Pregestasional diabet adlanır.

Hər iki halda, qanda şəkər səviyyəsinin yüksək olması həm ana, həm onun gələcək körpəsi üçün çoxsaylı problemlər yarada bilər.

Hamiləliyin, xüsusilə, erkən mərhələlərində, dölün orqanlarının inkişaf etdiyi dövrdə qan şəkərinin yüksək olması gələcək körpədə çox ciddi inkişaf pozğunluqlarına səbəb ola bilər.

Ümumiyyətlə, hər bir qadında hamilə olduğunu bildiyi anda qanda şəkərin yoxlanılması məsləhətdir.