Aztibb.az-ın "Həkimlərimizi tanıyaq!" rubrikasında Respublika Klinik Xəstəxanasının Qanköçürmə şöbəsinin müdiri, tibb üzrə fəlsəfə doktoru Qiyas Hüseynovu Sizə təqdim edirik.
O, 1978-1984-cü illərdə Azərbaycan Dövlət Tibb İnstitutunda təhsil alıb. 1988-1989-cu illərdə Ə.Eyvazov adına Elmi-Tədqiqat Hematologiya və Transfuziologiya İnstitutunda elmi işçi vəzifəsində çalışıb. 1989-cu ildə Qan preparatları şöbəsinin müdiri vəzifəsində təyin olunub. 1988-2005-ci illərdə B.Ə.Eyvazov adına Elmi-Tədqiqat Hematologiya və Transfuziologiya İnstitutunun Qan Bankının baş həkimi vəzifəsində çalışıb.
2006-cı ildən Respublika Klinik Xəstəxanasında fəaliyyət göstərir. Hal-hazırda Qanköçürmə şöbəsinin müdiri vəzifəsində çalışır.
Qiyas Hüseynov tibb üzrə fəlsəfə doktorudur. 2 dərsliyin, bir neçə metodik tövsiyənin və 40-dan çox elmi məqalənin müəllifidir.
Həkim yerli və beynəlxalq elmi konfranslarda iştirak edib, transfuzion təbabət üzrə təcrübə mübadiləsi proqramlarını keçib.
