Azərbaycan Tibb Universitetinin (ATU) Elmi Tədqiqatların İdarə olunması Departamentinin təşkilatçılığı ilə 17 aprel tarixində “Clarivate” şirkəti tərəfindən seminar keçirilib.
Aztibb.az-a ATU-dan bildirilib ki, tədbirdə şirkətin müştəri müvəffəqiyyəti üzrə məsləhətçisi İltifat İbrahimov “Web of Science” platforması və onun resursları haqqında geniş məruzə edib. İ.İbrahimov, seminar iştirakçıları üçün Web of Science Core Collection, Journal Citation Reports, EndNote referans idarəetmə sistemi kimi məhsulların üstünlükləri, tədqiqatçıların həmin resurslardan istifadə imkanları haqqında ətraflı məlumat verib.
Tədbirin davamında suallar cavablandırılıb.
Seminarın sonunda Elmi Departamentin rəhbəri, professor Eldar Qarayev və dosent Sevinc Pənahova tərəfindən İltifat İbrahimova təşəkkürnamə təqdim edilib.
