Səhər yeməyi məhsulları dedikdə ağla ilk gələn pendirdir. Demək olar ki, hər kəs tərəfindən sevilən bu süd məhsulu bütün yaş qrupunda olan insanların sağlam qidalanma seçimlərinə daxildir. Bir çox çeşidi olan pendir tərkibindəki kalsium, kalium və zülal sayəsində orqanizmin bütün ehtiyaclarını qarşılayır. Bəs onların hansı daha faydalıdır - ağ, yoxsa sarı pendir?

Aztibb.az-ın məlumatına görə, ağ pendirlə Holland pendiri - hər ikisi süddən hazırlansa da, faydaları bir-birindən fərqlənir. Onları fərqləndirən əsas cəhət hazırlanma əsnasında olan istilikdir. Ağ pendir hazırlanan zaman südün istiliyi 85-90 dərəcə, özünəməxsus teksturası olan Holland pendirində isə bu göstərici 60-65 dərəcədir. Bu isə onu göstərir ki, Holland pendiri ağ pendirlə müqayisədə daha faydalıdır. Çünki yüksək dərəcə istilik pendirin keyfiyyətini aşağı salır. Vitamin cəhətdən də zəngin olan Holland pendiri digərləri ilə müqayisədə əvəzsizdir. Belə ki, onun tərkibi kalsium və sink ilə zəngindir.