Mərkəzi Gömrük Hospitalının Poliklinika şöbəsinin oftalmoloqu, t.ü.f.d. Aynurə Əliyeva AZTV-də yayımlanan “TeleSəhər” proqramına yay mövsümünün aktual mövzularından biri olan gün eynəyi seçimi ilə bağlı geniş və maarifləndirici fikirlərini tamaşaçılarla bölüşüb.

 

Aztibb.az xəbər verir ki, Aynurə Əliyeva çıxışında vurğulayıb ki, gün eynəkləri yalnız dəb elementi deyil, eyni zamanda göz sağlamlığını qoruyan vacib vasitədir. O, düzgün seçilməmiş eynəklərin gözlər üçün təhlükəli ola biləcəyini, eləcə də gün eynəyi seçərkən UV qoruyucu filtrin mövcudluğu, linzanın keyfiyyəti və göz quruluşuna uyğunluğu kimi amillərin nəzərə alınmasını bildirib.

 

Müsahibə çərçivəsində həmçinin yay fəslində gözləri günəşdən qorumağın yolları, həkim məsləhəti olmadan alınan eynəklərin yaratdığı risklər barədə də ətraflı məlumat verib.

 

Maarifləndirici süjeti Sizə təqdim edirik: https://www.facebook.com/customshospital/videos/678313094740028