“Həkimlərimizi tanıyaq!” rubrikamızda sizə insanlara şəfa bəxş edən, səmimi xarakteri ilə xəstələrə səhhətlərindəki problemləri unutduran, cəfakeş təbiblərdən biri Akif Daşdəmirovu təqdim edirik.

O, 1993-1999-cu illərdə Azərbaycan Tibb Universitetinin Müalicə işi fakültəsində təhsil alıb. 1999-2001-ci illərdə Moskva Dövlət Tibbi Stomatologiya Universitetində ordinator vəzifəsində çalışıb. 2001-2004-cü illərdə Moskva Dövlət Tibbi Stomatologiya Universitetində aspirant vəzifəsində fəaliyət göstərib.

Akif Daşdəmirov 2004-cü ildə Moskva Dövlət Tibbi Stomotologiya Universitetində dissertasiya işini uğurla müdafiə edərək tibb üzrə fəlsəfə doktoru elmi dərəcəsini alıb.

 

2001-2006-ci illərdə Rusiya Təcili Tibbi Yardım Cəmiyyətində idarə heyəti-aparıcı mütəxəssis kimi xidmət göstərib. 2004-2006-cı illərdə 50 nömrəli Moskva Şəhər Klinik Xəstəxanasında Təxirə salınmaz kardiologiya şöbəsinin müdiri, 2007-2021-ci illərdə Bakı şəhəri Yazıçılar Poliklinikasında həkim-kardioloq vəzifələrində çalışıb.

 

2021-ci ildən etibarən Respublika Klinik Xəstəxanasında təcili və təxrəsalınmaz tibbi yardım üzrə həkim kimi fəaliyyət göstərir.