Zaman maşını varmı? İnsan beyni zamanda səyahət edə bilərmi? Fransa və hollandiyalı tədqiqatçılar uzunmüddətli araşdırmalardan sonra bu suala cavab tapıblar. "Journal of Neuroscience" jurnalında dərc olunan araşdırmaya görə, insan beyni epizodik hərəkətləri müstəqil şəkildə ölçdüyü üçün zamanın keçməsi zehində baş verir.

Aztibb.az-ın xəbərinə görə, alimlər müəyyən ediblər ki, insan beyninin xarici aləmdən heç nə ilə idarə olunmayan daxili zaman gedişi, yəni vaxt anlayışı var. Buna görə də insanlar zehni zamanda səyahət edə bilirlər. Tədqiqatçılar bu təəccüblü konsepsiyanı təsdiqləmək üçün elektrod implantasiyası vasitəsilə epilepsiya xəstələrinin beyinlərini tədqiq ediblər. Təcrübələr göstərib ki, iştirakçıların beynindəki xüsusi məqamlar zaman hüceyrələrini aktivləşdirir. Buraya onların xarici stimullara məruz qalmadıqları anlar daxildir.

Bu isə, insanın sadəcə düşüncənin gücü ilə zamanda asanlıqla səyahət edə biləcəyini təsdiqləyir.