Araşdırmalar nəticəsində qan qrupları ilə şəxsiyyət xüsusiyyətləri arasında daha bir əlaqə ortaya çıxıb. III (B) qan qrupuna sahib insanların "tənbəl" olduqları müəyyən edilib.

Aztibb.az-ın məlumatına görə, bu qan qrupunu daşıyanlar ümumiyyətlə, azad ruhlu, müstəqil düşünə bilən və rahat həyat tərzinə üstünlük verən insanlar kimi tanınırlar. Lakin bu xüsusiyyətlər bəzən başqaları tərəfindən nizam-intizam olmayan və ya tənbəl kimi qiymətləndirilir. Onlar əsas hədəflərindən çox, qısamüddətli maraq oyadan layihələri həyata keçirməyə can atırlar. Motivasiyalarını anlıq həyəcanlardan alır, amma səbir və davamlı diqqət tələb edən vəzifələrdə öz performanslarını göstərməkdə çətinlik çəkirlər. Bu səbəbdən cəmiyyət tərəfindən çalışmağa daha az cəhd göstərən insanlar kimi qəbul edilirlər. Onu da qeyd edək ki, şəxsiyyət xüsusiyyətləri təkcə genetik quruluş və ya qan qrupu ilə ölçülməyəcək qədər mürəkkəbdir.