ABŞ-ın Georgia Texnologiya İnstitutunun alimləri cərrahi müdaxiləyə ehtiyac olmadan kəllədaxili təzyiqi (ICP) daimi izləyə bilən ultra-nazik silikon nanosensor hazırlayıblar.

Aztibb.az phys.org-a istinadla xəbər verir ki, sensor sadə bir kateterlə yerləşdirilə bilir və baş travmalarında erkən diaqnostika və müdaxilə üçün yüksək dəqiqliklə təzyiq dəyişikliklərini izləyir.

Ölçüsü on qəpikdən belə kiçik olan cihaz ənənəvi invaziv metodlarla müqayisədə daha az risk və sağalma müddəti təklif edir.

Tədqiqat Advanced Healthcare Materials jurnalının fevral buraxılışında dərc olunub və sensor texnologiyasının beyin zədələrindən hipertoniya xəstəliklərinə qədər bir çox tibbi sahəyə tətbiqinə qapı aça biləcəyi vurğulanıb.