Amerikanın araşdırma şirkəti olan "Hologic" "Qadın Sağlamlığı İndeksi" adlı dördillik qlobal tədqiqatın nəticələrini açıqlayıb. Azərbaycan xanımları dünyanın ən sağlam qadınları sırasında yer alıb.

Aztibb.az-ın məlumatına görə, siyahıya əsasən Azərbaycan dünyanın 142 ölkəsi arasında 54-cü yeri tutub. Ölkəmiz qadınların emosional sağlamlığı, onların əsas ehtiyaclarının təmin edilməsi və fərdi sağlamlıq kimi göstəricilərdə irəliləyiş nümayiş etdirib. 146 min qadının iştirak etdiyi genişmiqyaslı sorğuda 2023-cü ildən indiyə kimi toplanan məlumatlar analiz olunub. Qiymətləndirmə zamanı profilaktika, emosional sağlamlıq, əsas ehtiyaclar və fərdi sağlamlıq kimi meyarlar nəzərə alınıb.

İlk onluğa Tayvan, Küveyt, Avstriya, İsveçrə, Finlandiya, Almaniya, Sinqapur, Danimarka, Slovakiya və Lüksemburq daxil olub. Postsovet məkanında Estoniya 11-ci, Qazaxıstan isə 12-ci yeri tutaraq ən yaxşı nəticəni göstərib. Digər nəticələrə görə, Rusiya 51-ci, Gürcüstan 72-ci, Türkiyə 76-cı yerdə qərarlaşıb. Ən zəif göstərici isə 89-cu yeri tutan Ermənistana aiddir.