ABŞ-ın Tufts Universitetinin alimlərinin apardıqları yeni bir araşdırma, K vitamini çatışmazlığının beyin sağlamlığına zərər verdiyini göstərib.
Aztibb.az-ın medimagazin.com.tr-yə istinadla məlumatına görə, tədqiqatçılar əsasən ispanaq və kələm kimi göyərtilərdə olan K vitamininin kifayət qədər qəbul edilməməsinin beyin sağlamlığına zərər verdiyini bildiriblər.
San-Fransisko Kaliforniya Universitetindən prof. Sarah Booth, keçmiş araşdırmaların K vitamininin ürək-damar və oynaq sağlamlığını dəstəkləyə biləcəyini göstərdiyini söyləyib: "Yeni araşdırma K vitamininin beynə fayda verə biləcəyini sübut edir."
Tədqiqatın baş müəllifi Tong Zheng, K vitamininin beyin fəaliyyətinə ciddi təsir etdiyini vurğulayaraq, bildirib ki, K vitamininin qoruyucu təsiri var. Araşdırmamız bu təsirin altında yatan mexanizmi anlamağa çalışır.
