Adətən yemək yedikdən sonra insanların çoxu süstləşir, şirin bir yuxuya ehtiyac duyurlar. Bu vaxt enerji və konsentrasiya azalır, iş isə dözülməz bir yükə çevrilir. Bəs bunun səbəbi nədir?

Aztibb. az-ın məlumatına görə, alimlər xüsusilə nahar sonrası yuxululuğu gün ərzində aktivliyi tənzimləyən təbii sirkadiyan ritmləri ilə əlaqələndirirlər. Onların fikrincə günün ortasında, xüsusilə saat 14:00 və 17:00 arasında yuxululuq kortizol səviyyəsinin təbii azalması və melatoninin artması ilə bağlı ola bilər. Həzm sistemi insanın qəbul etdiyi qidalara görə enerji yandırır. Əgər insan çox yemək yeyirsə, həzm sistemi daha çox enerji tələb edir, buna görə də bədəndəki digər aktiv enerji sistemləri bağlanır və bu, insanın yuxulu olmasına səbəb olur. Ancaq bu vəziyyəti yaradan yeganə amil qidanın miqdarı deyil, mahiyyəti də çox önəmlidir. Əgər istehlak edilən qidalar yüksək miqdarda karbohidrat ehtiva edərsə, bədəndə həddindən artıq insulin ifrazı meydana gələ bilər. Bu artım yuxudan məsul olan serotonin hormonunu da tətikləyir. Belə ki, xalq arasında "çəkinin çökməsi" adlandırılan yuxululuq yeməkdən sonra yaranır. Sadalanan şərtlər olmasa da, yeməkdən sonra tez-tez yuxu ehtiyacı insulin müqavimətini göstərə bilər. İnsulin müqaviməti olan insanlar yemək yeməyə başlayanda yorğunluq və yuxululuq hiss etmə ehtimalı yüksəkdir. Bu diabetin ilkin əlaməti ola bilər və gecikmədən həkimə müraciət edilməlidir.