“Həkimlərimizi tanıyaq!” rubrikası: Kardioloq Ləman Eyvazlı

19.04.2025 09:52

“Həkimlərimizi tanıyaq!” rubrikamızda Sizə yüksəkixtisaslı mütəxəssis, həkim-kardioloq Ləman Eyvazlını təqdim edirik.

O, Mərkəzi Gömrük Hospitalında Transtorasik EXO, Pediatrik və Kongenital EXO, Transezofageal EXO (yetişkin ve pediatrik), 3D, Strain, Dobutamin EXO müayinələrini icra edir.

Ləman Eyvazlı 2017-ci ildə Azərbaycan Tibb Universitetinin Müalicə işi fakültəsini bitirdikdən sonra, 2019-2023-cü illərdə Mərkəzi Klinikanın Kardiologiya şöbəsində həkim-rezident kimi çalışıb. 2021-ci ildə Türkiyənin İstanbul şəhərində “Mehmet Akif Ersoy” hospitalının Exokardioqrafiya laboratoriyasında təcrübəçi həkim-rezident, 2023-cü ildə həmin hospitalın Pediatrik Exokardioqrafiya bölümündə təcrübəçi həkim-rezident vəzifəsində çalışıb.

HəkimAzərbaycanda müxtəlif özəl tibb müəssisələrində kardioloq kimi fəaliyyət göstərib. 10 mart 2025-ci il tarixindən Mərkəzi Gömrük Hospitalında Kardiologiya şöbəsində həkim-kardioloq işləyir.

Çoxsaylı beynəlxalq konfranslarda, seminarlarda, təkmilləşdirmə kurslarında, təlimlərdə iştirak edən Ləman Eyvazlı daim öz üzərində işləyir, tibbin son nailiyyətlərini öyrənir, bilik və bacarıqlarını zənginləşdirir. O, 2022-ci ildə Türkiyə Kardiologiya Cəmiyyətinin təşkilatçılığı ilə keçirilən təlim və kurslarda: Türkiyənin İstanbul şəhərində Kardiak MRT təlimində, Trabzon şəhərində “3D Exokardioqrafiya” kursunda, İstanbul şəhərində “Aortik Protez qapaq multimodal dəyərləndirmə” kursunda, “Transezofageal simulyasiya” kursunda iştirak edib.

Həmçinin 2023-cü ildə Çexiyanın Praqa şəhərində Avropa Kardiologiya Cəmiyyətinin təşkilatçılığı ilə keçirilən “Ürək Çatışmazlığı” Konqresində, yenə həmin cəmiyyətin təşkilatçılığı ilə Hollandiyanın Amsterdam şəhərində keçirilən ESC 2023 Konqresində, 2024-cü ildə Almaniyanın Berlin şəhərində Almaniya Ürək Mərkəzinin təşkilatçılığı ilə “Ürək çatışmazlığı və qapaq xəstəliklərində 3D Exokardioqrafiya Konfransı”nda, 2024-cü ildə ABŞ-ın Kolorado ştatında yerləşən Mayo klinikasının təşkilatçılığı ilə keçirilən “Xəstə əsaslı Exokardioqrafiya və Multimodal görüntüləmə” onlayn kursunda, 2024-cü ildə Yunanıstanın Afina şəhərində Yunanıstan Kardiologiya Cəmiyyətinin və Avropa Kardiovaskulyar Görüntüləmə Assosasiyasının təşkilatçılığı ilə Ürək-damar görüntüləmə Konqresində, Portuqaliyanın Lissabon şəhərində Avropa Kardiologiya Cəmiyyətinin təşkilatçılığı ilə keçirilən “Ürək Çatışmazlığı” konfransında, Almaniyanın Frankfurt şəhərində “CSİ Frankfurt – 2024” konfransında və digər tədbirlərdə iştirak edib.