Türkiyə Səhiyyə Nazirliyinin tərtib etdiyi məlumatlara görə, bu ölkədə qadınlarda ağciyər xərçəngi halları artmaqdadır. Bir il ərzində 30 min insana ağciyər xərçəngi diaqnozu qoyulub.

Aztibb.az medimagazin.com.tr-yə istinadla xəbər verir ki, dünyada hər 5 nəfərdən 1-də 75 yaşına qədər xərçəng diaqnozu qoyulacağı, 10 nəfərdən 1-nin isə xərçəngdən öləcəyi təxmin edilir. Dünyada və Türkiyədə birinci yerdə olan xərçəng növləri ağciyər, döş və kolorektal xərçənglərdir.

Döş xərçəngi qadınlarda ən çox görülən xərçəng növü olmağa davam edir. Xərçəng diaqnozu qoyulan təxminən hər dörd qadından biri döş xərçəngidir. Uşaqlıq xərçəngləri arasında uşaqlıq leykozları ən çox rast gəlinən xərçəng növləri arasındadır. Uşaqlıqda leykozlardan sonra limfomalar və mərkəzi sinir sisteminin şişləri gəlir.