Prostat vəzinin xoşxassəli hiperplaziyasının qapalı müalicə üsulu olan angioqrafiyanın effektivliyi beynəlxalq resenziyalı tibb jurnalında dərc olunan elmi araşdırmada nümayiş etdirilib.

Aztibb.az medimagazin.com.tr-yə istinadla bildirir ki, tədqiqatın nəticələri Amerika Uroloji Assosiasiyasının nəşr orqanı olan beynəlxalq resenziyalı "Journal of Urology" jurnalında dərc edilib.

Xoşxassəli prostat hiperplaziyasında angioqrafiya müalicəsinin üstünlükləri barədə məlumat verən Hacettepe Universiteti Girişimsel Radiologiya Bölümü müəllim prof. Bora Peynircioğlu prostat böyüməsinin tmüxtəlif şikayətlərlə özünü göstərən sağlamlıq problemi olduğunu izah edib. O, angioqrafiya ilə müalicənin prostat arterlərinin bağlanması olaraq təyin edildiyini bildirib.

Prof. Bora Peynircioğlu qeyd edib ki, bu üsulla prostatın böyüməsinə və bununla bağlı sidik ifrazı problemlərinə səbəb olan xoşxassəli şişin qidalanması bağlanır, beləliklə prostatın ölçüsü azalır.

Angioqrafiya müalicəsinin effektivliyini ortaya çıxaran elmi araşdırmada prostat venasının embolizasiyası da adlandırılan, angioqrafiya müalicəsi ilə fərqli cərrahi müalicələr arasında aparılan müqayisəli araşdırmaların yer aldığını ifadə edən Peynircioğlu bildirib ki, aparılan araşdırmaların nəticələrinə görə üsul təsirli və təhlükəsiz bir müalicədir. 

Bora Peynircioğlu bu müalicənin hər yaşda olan xəstələrdə hər ölçüdə prostatda edilə biləcəyini söyləyib. O, prosedurun anesteziyaya ehtiyac olmadan qol və ya qasıq arteriyasına iynə dəliyindən girilərək həyata keçirilən qapalı bir üsul olduğunu vurğulayıb.