Bu kontekstdə Azərbaycan Tibb Universitetində təzəlikcə yaradılmış vaksinasiya simulyasiya otağında bir qrup müəllim və tibb bacısı tələbələri tərəfindən vaksinasiya mövzusunda yeni kurs canlı şəkildə nümayiş etdirilib.

 

Bu məlumat Aztibb.az-a Azərbaycan Tibb Universitetindən verilib.

 

Bildirilib ki, peyvəndlər qadınların və yenidoğulmuş körpələrin sağlamlığının qorunmasında, həyati təhlükəsi olan xəstəliklərin qarşısının alınmasında və həyata sağlam başlanğıcın təmin edilməsində həlledici rol oynayır. İmmunizasiyaya diqqət yetirməklə biz ana və uşaq ölümlərini azalda və uzunmüddətli sağlamlıq və rifahı təşviq edə bilərik.

 

Qeyd edək ki, bu fəaliyyət Azərbaycan Respublikası Səhiyyə Nazirliyi, Azərbaycan Tibb Universiteti və Ümumdünya Səhiyyə Təşkilatının vasksinasiya üzrə diplomaqədər və diplomdansonrakı dərs proqramlarının gücləndirilməsi üzrə birgə təşəbbüsü çərçivəsində həyata keçirilir. Bu yanaşma real təcrübəyə əsaslanan tədris mühiti yaradaraq gələcəyin tibb işçilərini keyfiyyətli immunizasiya xidmətləri göstərməyə daha yaxşı hazırlamağı hədəfləyir.

Qadınların və yenidoğulmuşların sağlamlığında peyvəndləmənin həyati rolu və onun qlobal sağlamlığa təsiri xüsusi əhəmiyyət daşıyır.