Bərdə Rayon Mərkəzi Xəstəxanasının təşkilatçılığı ilə Bərdə rayon Lənbəran kəndində yerləşən tibb məntəqəsində səyyar tibbi aksiya keçirilib.

 

Xəstəxanadan Aztibb.az-a verilən xəbərə görə, aksiyanın keçirilməsində məqsəd TƏBİB-in və icbari tibbi sığortanın yaratdığı Xidmətlər Zərfi çərçivəsində təqdim olunan xidmətlərlə bağlı maarifləndirmə işləri aparmaqdır.

 

Aksiya çərçivəsində tibb müəssisəsinin müxtəlif ixtisaslı (laboratoriya, ginekoloq, şüa-diaqnostika, pediatr, terapevt və s.) həkimləri tərəfindən vətəndaşlar müayinə edilib və onlara zəruri tibbi xidmətlər göstərilib.

 

Kənd sakinləri onlara göstərilən tibbi xidmətin səviyyəsindən razı qaldıqlarını bildiriblər.