Alimlər yüksək dərəcədə antibiotikə davamlı və ölümcül Acinetobacter baumannii ştamını müəyyən ediblər.

Aztibb.az-ın medimagazin.com.tr-yə  istinadla məlumatına görə, Malayziyanın Terengqanu şəhərindəki xəstəxanada yüksək dərəcədə antibiotikə davamlı və ölümcül “Acinetobacter baumannii” ştamı aşkar edilib. Alimlər bu bakteriyanın dünyada geniş yayılmış “GC2” nəslinə aid olduğunu və insanların sağlamlığı üçün təhlükə yaratdığını açıqlayıblar.

Tədqiqatçılar 2011-2020-ci illər arasında ərazidə toplanmış 126 bakteriya nümunəsini tədqiq ediblər. Nəticələr bakteriyaların bir sıra antibiotiklərə qarşı müqavimət göstərdiyini ortaya çıxarıb. Xüsusilə 'A. “Baumannii” infeksiyalarında ümumiyyətlə ilk seçim olan “karbapenem” antibiotik qrupuna qarşı yüksək səviyyəli müqavimət aşkar edilib.

Beynəlxalq tədqiqat qrupu, tədqiq etdikləri nümunələrin 97 faizinin antibiotik müqavimətini yaymaqdan məsul olan “plazmid DNT”dən ibarət olduğunu bildirib.