Naxçıvan Muxtar Respublikası Səhiyyə Nazirliyindən Aztibb.az-a verilən xəbərə görə, tanışlıq zamanı xəstəxanada yeni yaradılan, müasir standartlara cavab verən palatalara, ən son tibbi avadanlıqlarla təchiz edilmiş əməliyyat otaqlarına və yeni istifadəyə verilən Onkoloji bölməyə baxış keçirilib. Naxçıvan Sağlamlıq Mərkəzinin direktoru Rəşadət Nabatov və kardiocərrah İlyas Məmmədyarov tərəfindən həyata keçirilən yeniliklər və tibbi xidmətlərin təşkili barədə qonağa ətraflı məlumat verilib.

 

Prof. Cem Alhan mərkəzdə yaradılan şəraiti yüksək qiymətləndirib, burada qısa müddət ərzində dünya standartlarına cavab verən səhiyyə infrastrukturunun qurulmasını təqdirəlayiq hal kimi dəyərləndirib. O, gələcəkdə tibbi təcrübə mübadiləsinin davam etdirilməsinin vacibliyini vurğulayıb.