Meksikalı həkimlər Duranqo ştatından olan üç yaşlı qızda quş qripi aşkar ediblər.

ki, bu da ölkədə ilk hadisədir.

Aztibb.az-ın www.reuters.com-a istinadla xəbərinə görə, bu, ölkədə insanın quş qripinə yoluxması ilə bağlı ilk hadisədir.

Meksika Səhiyyə Nazirliyinin bununla bağlı açıqlamasında bildirilir ki, insanda H5N1 qripinə yoluxma faktı aprelin 1-də Diaqnostika və Epidemioloji Nəzarət İnstitutu tərəfindən təsdiqlənib.

Xəstə əvvəlcə oseltamivir ilə müalicə olunub və hazırda Torreon şəhərindəki 3-cü səviyyəli bölmədə xəstəxanaya yerləşdirilib, vəziyyəti ağır hesab olunur.

Nazirliyin xatırlatmasına görə, Ümumdünya Səhiyyə Təşkilatı hesab edir ki, ümumi əhali üçün bu virusa yoluxma riski azdır, ona görə də yaxşı bişmiş toyuq və ya yumurta yemək insan sağlamlığı üçün risk yaratmır. "Hazırda virusun insandan insana davamlı ötürülməsinə dair heç bir sübut yoxdur", - Səhiyyə Nazirliyi vurğulayıb.