X Bakı-Malatya Orqan Transplantasiyası günləri onlayn olaraq Zoom platforması üzərindən baş tutub.
Aztibb.az-ın xəbərinə görə, tədbirdə Azərbaycan Tibb Universitetinin Türkiyənin İnönü Universitetinin və Qazaxıstanın mütəxəssisləri iştirak ediblər.
X Bakı-Malatya Orqan Transplantasiyası günlərinin açılışında Azərbaycan Tibb Universitetinin I cərrahi xəstəliklər kafedrasının müdiri, AMEA-nın müxbir üzvü professor Nuru Bayramov çıxış edərək tədbirin əhəmiyyəti və əhatə etdiyi mövzuların aktuallığından söz açıb.
İnönü Universitetinin Qaraciyər Nəqli İnstitutunun direktoru professor Sezayi Yılmaz tədbirin elmi proqramı haqqında məlumat verib.
Hepatosellülyar karsinomaya həsr edilmiş konfransda bu xəstəliyin diaqnostikası, müalicəsinə yanaşmalar barədə təcrübələr paylaşılıb.
Onlayn görüşün sonunda qaraciyər transplantasiya ilə bağlı fərqli mövzularda mühazirələr səsləndirilib.
