Azərbaycan Tibb Universitetinin Uşaq stomatologiyası kafedrasının assistenti, t.ü.f.d. Sevinc Nağıyeva Orhun mübadilə proqramı çərmivəsində Türkiyənin İzmir şəhərində yerləşən Ege Universitetinin Pedodontiya kafedrasında akademik fəaliyyət göstərib.

Aztibb.az-a ATU-dan bildirilib ki, iki həftə davam edən tədris mübadiləsi prosesi zamanı S.Nağıyeva rezident və tələbələrə mühazirə oxuyub, seminar dərsləri aparıb. Səfər müddətində S.Nağıyeva Ege Universitetinin Diş həkimliyi fakültəsinin dekanı, professor Nazan Ersin, Pedodontiya kafedrasının müdiri, professor Dilşah Çoğulu və kafedranın akademik heyəti ilə görüşərək, peşə fəaliyyətləri barədə ətraflı fikir mübadiləsi aparıb.