ATU-nun Tədris işlər üzrə prorektor, professor Nazim Pənahov, Tədris departamentin müdiri, dosent Kamandar Yaqubov və İnformasiya Texnologiyaları Departamentinin müdiri Rəmzi Əliyev İctimai səhiyyə, Stomatologiya və Əczaçılıq fakültələri üzrə imtahan suallarını tərtib edən ekspertlər ilə görüş keçiriblər.

Bu məlumat Aztibb.az-a ATU-dan verilib.

Prorektor Nazim Pənahov çıxış edərək bildirib ki, görüşdə müzakirə olunacaq çox aktual və mühüm məsələlərdən biri imtahan ekspertlərinin fəaliyyətinin qiymətləndirilməsi və onların fəaliyyətinə həvəsləndirici tədbirlərin tətbiq edilməsi ilə bağlıdır. Eyni zamanda ekspertlərin üzərinə düşən məsuliyyətin artırılması nəzərdə tutulur. Prorektor İmtahan mərkəzində keçirilən yeni islahatlar və struktur dəyişikliyi haqqında da ətraflı məlumat verib.

Tədris Departamentin müdiri, dosent Kamandar Yaqubov İctimai səhiyyə, Stomatologiya və Əczaçılıq fakültələrində keçirilən nəzəri və baçarıq imtahan formatları barədə danışıb. O, qeyd edib ki, kollokviumun təşkili prosesində mövcud olan qüsurlar ən tez zamanda aradan qaldırılmalıdır və bu istiqamətdə bir sıra işlər nəzərdə tutulub. Həmçinin, yay sessiyasından söz açan departamentin müdiri, ekspertlərdən öz işlərinə maksimum diqqətli və məsuliyyətli yanaşmağı xahiş edib.

İnformasiya Texnologiyaları Departamentin müdiri Rəmzi Əliyev imtahan prosesinin təşkilində baş verən dəyişiklik və nəzərdə tutulan islahatlarlar haqqında məlumat verərək tətbiq edilən yeniliklərin müsbət tərəflərindən danışıb.

Fakültə nümayəndələrinin iştirakı ilə baş tutan görüş imtahan məsələlərinə dair müzakirələrlə davam edib.