Bu barədə Aztibb.az-a Xəstəxanadan xəbər verilib.

 

Tədbirdə çıxış edən Xaçmaz Rayon Mərkəzi Xəstəxanasının həkim-pediatrı Dürdanə Abdullayeva mövsümi xəstəliklər, onların aşkarlanması və profilaktikası haqqında ətraflı məlumat verib. Bildirib ki, mövsüm dəyişikliyi zamanı insan orqanizmində immunitet zəifliyi yaranır. Bunun nəticəsində yuxarı tənəffüs yollarının xəstəlikləri bronxit, qrip və soyuqdəymə kimi müxtəlif xəstəlikərə yoluxma halları artır. Boğaz ağrısı, burun axması, qızdırma, halsızlıqla müşayiət olunan xəstəliklər yaşlı adamlar arasında daha geniş yayılsa da, azyaşlılar və yeniyetmələr arasında da çox sıx müşahidə olunur. Ona görə də məktəblərdə uşaqların sağlamlığına diqqət etmək, qrip və respirator virus infeksiyalarının profilaktikası üçün maarifləndirmə işini daha da artırmaq vacibdir. Xəstəliyə yoluxmuş uşaqları mümkün qədər sağlam uşaqlardan qoruyaraq, həmçinin valideynlər xəstə uşaqlarını bağçaya və məktəbə göndərməməklə mövsümi xəstəliklərin qarşısı qismən alına bilər.

 

Sonra tədbir iştirakçılarının mövzu ilə əlaqəli olan sualları cavablandırılıb.

 

Qeyd edək ki, maarifləndirmə tədbirləri il boyu davam etdiriləcək.