Səhiyyə işçiləri arasında keçirilən "Sağlamlığa doğru qaç!” adlı layihə bu dəfə Ağcabədi rayonunda gerçəkləşib.

Aztibb.az-ın xəbərinə görə, layihə Azərbaycan Səhiyyə İşçiləri Həmkarlar İttifaqı Respublika Komitəsinin təşəbbüsü və təşkilatçılığı ilə baş tutub.

Yarışa Ağcabədi rayon Səhiyyə İşçiləri Həmkarlar İttifaqı (SİHİ) şura üzvləri ilə bərabər Cəbrayıl, Laçın, Ağdam, Füzuli, Bərdə, Tərtər və Beyləqan rayon həmkar üzvləri olmaqla 130 nəfərə yaxın iştirakçı qatılıb.

Qaliblər mükafatlandırılaraq Xankəndi şəhərində keçiriləcək final yarışına qatılmaq imkanı əldə ediblər. Eyni zamanda, yarışa qatılan bütün iştirakçılara medallar təqdim edilib.

Qeyd edək ki, növbəti mərhələ yarışları Mingəçevir, Lənkəran, Gəncə, Qusar, Şamaxı rayonları, Naxçıvan, Bakı şəhərlərində keçiriləcək.