Bakı Sağlamlıq Mərkəzini 2017-ci ildən etibarən publik hüquqi şəxs statusu ilə ölkəmizdə tibb sahəsində fəaliyyət göstərən bir müəssisədir.

Aztibb.az-ın xəbərinə görə, hazırda Bakı Sağlamlıq Mərkəzi dövlətdən heç bir dotasiya və maddi dəstək almadan, tam öz prinsipləri əsasında idarə olunur. Bu səbəbdən tibbi xidmətlərin ödənişli şəkildə icra olunması təbiidir.

Qeyd edək ki, Bakı Sağlamlıq Mərkəzi TƏBİB-in tabeliyində olan müəssisə deyil və icbari tibbi sığorta tərəfindən vətəndaşların stasionar tibbi xidmətlərdən (və cərrahi tibbi xidmətlər) istifadəsi üçün birbaşa müraciət etməkləri mümkündür. Bu zaman stasionar tibbi xidmət Xidmətlər Zərfi çərçivəsində icbari tibbi sığorta hesabına qarşılanır.

Ambulator xidmətlər üçün müraciət edən vətəndaşları qəbul edib, icbari tibbi sığorta ilə xidmət göstərmək ixtiyarımız yoxdur. Bu səbəbdən ambulator xidmətlər ödənişli olaraq həyata keçirilməyə davam edir.