Cəbrayıl Rayon Mərkəzi Xəstəxanasında Ramazan bayramı münasibətilə tədbir təşkil olunub.

Bu barədə Aztibb.az-a Xəstəxanadan məlumat verilib.

Tədbiri giriş sözü ilə açan Cəbrayıl Rayon Mərkəzi Xəstəxanasının direktor vəzifəsini müvəqqəti icra edən direktorun müavini – baş həkim Arif Hüseynov Ramazan ayının İslam dinindəki önəmi haqqında danışıb. O, bu ayın bəşəri dəyərlərin, mərhəmətin, səbrin və paylaşmanın rəmzi olduğunu vurğulayıb. Həmçinin, Ramazanın insanların ruhən və mənən saflaşmasına, mənəvi dəyərlərinin möhkəmlənməsinə xidmət etdiyini qeyd edərək, xəstəxana əməkdaşlarını bayram münasibətilə səmimi qəlbdən təbrik edib, onlara sağlamlıq, ruzi-bərəkət və işlərində uğurlar arzulayıb.

Xəstəxana əməkdaşları da çıxış edərək Ramazan bayramının cəmiyyətimiz üçün önəmini qeyd ediblər. Onlar kollektivin birliyini və həmrəyliyini yüksək qiymətləndirərək, hər kəsə sağlam və firavan həyat arzulayıblar.