Sabunçu Tibb Mərkəzinin uzman-terapevti, həkim Gülnarə Rəhmanlının təqdimatında “Turşu-qələvi metabolizma pozuntuları və qan qazı yorumlaması” mövzusunda elmi-praktik seminar baş tutub.

Mərkəzdən Aztibb.az-a verilən xəbərə görə, tədbirdə metabolik balansın pozulmasının patofizioloji mexanizmləri, klinik əhəmiyyəti və laborator diaqnostika metodları müzakirə edilib.

Seminar zamanı iştirakçılara qan qazlarının təhlili, onların klinik dəyərləndirilməsi və müalicə yanaşmaları barədə ətraflı məlumat verilib. Həkim Gülnarə Rəhmanlı bu mövzunun intensiv terapiya, nefrologiya və digər ixtisaslar üçün əhəmiyyətini vurğulayıb.

Tədbir, həkimlərin və tibbi personalın biliklərinin artırılması və klinik təcrübədə müasir diaqnostik yanaşmaların tətbiqinə töhfə vermək məqsədilə təşkil edilib.