Qobustan Rayon Mərkəzi Xəstəxanasında Novruz bayramına həsr olunmuş tədbir keçirilib. Xəstəxananın rəhbərliyi, tibb heyəti və əməkdaşları Novruzun gəlişini birlikdə qeyd ediblər.

Aztibb.az-a Xəstəxanadan bildirilib ki, tədbirdə Novruzun ənənəvi ritualları canlandırılıb, kollektiv üzvləri səməni və bayram süfrəsi ətrafında bir araya gəliblər. Bayramın ayrılmaz hissəsi olan papaqatdı adəti də unudulmayıb – hər kəs bu şən əyləncədə iştirak edərək bayramın sevincini yaşayıb.

Xəstəxananın rəhbərliyi bütün tibb işçilərini Bahar bayramı münasibətilə təbrik edərək, onların fədakar əməyini yüksək qiymətləndirib və yeni ildə onlara uğurlar arzulayıb.