Masallı Rayon İcra Hakimiyyətinin başçısı Araz Əhmədov Masallı Rayon Mərkəzi Xəstəxanasında “Qeyri stabil stenokardiya“ diaqnozu ilə müalicə alan Masallı rayon Viləş kənd sakini Bayram Əsgərovun vəziyyəti və müalicə prossesi ilə yaxından tanış olub.

Bu barədə məlumat Aztibb.az-a Rayon Xəstəxanasından verilib.

Masallı Rayon Mərkəzi Xəstəxanasının direktoru İlqar Ramiz oğlu xəstənin vəziyyəti barədə icra başçısını məlumatlandırıb.

Müalicəsi davam edən Bayram Əsgərov ona göstərilən diqqət və qayğıya görə Masallı Rayon İcra Hakimiyyətinin başçısı Araz Əhmədova, Masallı Rayon Mərkəzi Xəstəxanasının rəhbərliyinə və kollektivinə təşəkkürünü bildirib.

Xatırladaq ki, Bayram Əsgərov Vətən müharibəsi qəhrəmanı şəhid İntiqam Əsgərlinin və şəhid Nurlan Əsgərlinin atasıdır.