BBSM-in mütəxəssisləri tərəfindən keçirilən təlimlər ilkin səhiyyə xidmətinin idarəedilməsi ilə bağlı müxtəlif mövzuları əhatə edib. Belə ki, təlimlərdə səhiyyənin, sosial gigiyenanın və səhiyyə idarəetmə sisteminin təşkilinin nəzəri əsasları, dövlət proqramlarının icrasında poliklinikaların rolu, həmçinin ixtisaslaşdırılmış tibbi yardımın növləri, sanitar-epidemoloji xidmətin nəzəri və təşkilatı əsasları, sanitariya maarifi, əhalinin gigiyenik tərbiyəsi, əks epidemiya tədbirləri, kliniki protokolların ilkin səhiyyə xidmətində tətbiqi və s. kimi mühüm mövzular əhatə olunub.

 

Təlimlərdə, həmçinin əmək qanunvericiliyinin əsasları, əməyin təşkili və idarəolunması, tibb müəssisələrində kargüzarlığın aparılması qaydaları, müəssisələrdə əmək qabiliyyətinin ekspertizasının təşkili, xəstələrin sosial və tibbi reabilitasiyası, yerlərdə sığorta işinin təşkili, tibbi göndərişlər və arayışların verilməsi, əhalinin sağlamlığının statistikası, onu xarakterizə edən meyar və göstəricilər, tibb müəssisələrində istifadə olunan tibbi qeydiyyat kitabları, statistik hesabat formaları, əməyin mühafizəsi, istehsalat sanitariyası və yanğından mühafizənin norma və qaydaları kimi mühüm məsələlərə aydınlıq gətirilib. Müəssisə rəhbərlərinə, o cümlədən, səhiyyə sisteminin fəaliyyətini tənzimləyən qanunvericiliyin əsasları, tibb müəssisələrinin fəaliyyət istiqamətlərini müəyyən edən əsas normativ hüquqi aktlar, dövlət orqanlarının tibb müəssisələrinin fəaliyyətinə dair aidiyyatı qərar, sərəncam, əmrləri haqda ətraflı məlumat verilib, dövlət əmlakının qorunması, saxlanması, uçotu, inventarizasiya aparılması qaydaları, əmək münasibətlərinin tənzimlənməsi, işçilərin işə qəbulu və azad edilməsi zamanı icraya nəzarət qaydaları izah olunub.

 

Təlimlər diskussiya şəklində keçirilib, iştirakçıları maraqlandıran bütün suallar cavablandırılıb.

 

Təlimlərin sonunda tibb müəssisələrinin rəhbərlərinin təlimlər zamanı mənimsənilən bilik və bacarıqlarının qiymətləndirilməsi həyata keçirilib. Qiymətləndirmədən keçə bilməyən müəssisə rəhbərlərinə bilik və bacarıqlarını möhkəmləndirmələri üçün əlavə vaxt verilib və onlar təkrar imtahanlara cəlb edilib. Qiymətləndirmədən müvəffəqiyyətlə keçən müəssisə rəhbərlərinə Bakı Baş Səhiyyə Mərkəzinin rəhbərliyi tərəfindən sertifikatlar təqdim olunub.

 

Növbəti mərhələdə təlimlərə baş həkimlərin müavinlərinin, tibb müəssisələrinin digər əməkdaşlarının da cəlb edilməsi nəzərdə tutulub.