Pirallahı Tibb Mərkəzinə 36 yaşlı qadın qasığüstü və göbək nahiyəsində daimi küt ağrılar, qarında şişlik şikayətləri ilə müraciət edib.

 

Aztibb.az-a Mərkəzdən verilən xəbərə görə, müayinə zamanı sol yumurtalığın iri həcmli paraovarial kistası diaqnozu təyin edilib.

 

Daxili qanaxmanın baş verəcəyi şüphəsi ilə dərhal əməliyyata alınıb. Əməliyyat zamanı sol yumurtalıq kistası yaraya yaxınlaşdırılaraq punksiya edilib, nəticədə 6,5 litr seroz maye xaric olunub.

 

Sistektomiya əməliyyatı cərrahiyyə şöbəsinin müdiri həkim-cərrah Fərman Cəlilov, Ginekologiya və doğum şöbəsinin müdiri həkim-mama-ginekoloq Aidə Mirzəməmmədova tərəfindən icra olunub.

 

Uğurla icra olunan əməliyyatdan sonra xəstənin vəziyyəti kafi olaraq qiymətləndirilir və müailəcəsi davam etdirilib.