Onun sözlərinə görə, metodun qeyri-invaziv olması və müalicəvi təsirini uzun müddət göstərə bilməsi bu metodun üstünlüyüdür. Dərman elektroforezi zamanı dərman preparatı 2-5 %-li olmalıdır. Tətbiq edilən dərman preparatının 5-10 %-i orqanizmə daxil olur. Bu metodun iltihabəleyhinə, ödeməleyhinə, qan dövranını yaxşılaşdırmaq kimi təsirləri vardır.

 

Gülnur Ələsgərova qeyd edib ki, elektroforezdən nevroloji (pleksit.nevrit,radikulit,karpal tunel sindromu, insult və s.), travmatoloji (sınıq,osteoxondroz,adgeziv kapsulit, qonartroz, artrit və s.), yanıqlar zamanı, ginekoloji və otolarinqoloji kimi bir sıra xəstəliklərin müalicəsində geniş tətbiq edilir.

 

Binəqədi Tibb Mərkəzində fəaliyyət göstərən Fizioterapiya şöbəsində bütün fizioterapevtik müalicə metodları geniş tətbiq edilir və icbari tibbi sığorta hesabına qarşılanır.