Xəstəxanadan Aztibb.az-a bildirilib ki, Poliklinika şöbəsinin uşaq bölməsinin mütəxəssisləri tərəfindən “Uşaqların icbari dispanserizasiyadan keçirilməsinə dair Dövlət Proqramı” çərçivəsində azyaşlıların ilkin müayinələri həyata keçirilir.

 

Qeyd edək ki, fevral ayı ərzində Mingəçevir şəhər Təbiət, Riyaziyyat və Humanitar elmlər təmayüllü liseyin, 10, 12 və 13 saylı tam orta məktəblərin şagirdləri, həmçinin 7, 8, 9, 10 və 13 saylı körpələr evi, uşaq bağçalarının fidanlarından ibarət 523 uşaq müayinədən keçirilib, onların sağlamlıq vəziyyəti yoxlanılıb. Xəstəlik aşkarlanan uşaqlarla bağlı məlumatlar məktəb və bağça rəhbərliyi, eləcə də valideynlərlə paylaşılıb. Bu uşaqlara ilkin səhiyyə xidmətlərinə müraciət edərək daha geniş müayinədən keçmək və müalicəyə başlamaq tövsiyə olunub.

 

Uşaqların icbari dispanserizasiyası Azərbaycan Respublikası Prezidentinin 5 mart 2013-cü il tarixli Fərmanına əsasən davam etdirilir və əsas məqsəd uşaqlar, o cümlədən məktəblilər arasında xəstələnmə, sağlamlıq imkanlarının məhdudluğunun və ölüm səviyyəsinin azaldılmasıdır.