Səhiyyə Nazirliyi İctimai Səhiyyə və İslahatlar Mərkəzi (İSİM), BMT-nin Əhali Fondu və “Təmas” regional inkişaf ictimai birliyinin birgə əməkdaşlığı ilə Gəncə şəhərində “Reproduktiv sağlamlıq. Cinsi yolla yoluxan infeksiyalar və İİV infeksiyasının profilaktikası” mövzusunda maarifləndirmə tədbirləri keçirilib.

İSİM-dən Aztibb.az-a bildirilib ki, tədbirlər icma fəallarının və mediatorların bu sahədəki bilik və bacarıqlarının artırılması məqsədilə təşkil olunub. 

Mərkəzin Monitorinq və təhlil şöbəsinin müdir müvini Zümrüd Kazımova geniş təqdimatla çıxış edərək, sağlamlığın qorunması, İİV infeksiyasının profilaktikası, gigiyena qaydaları barədə məlumat verib.

Yekunda iştirakçıları maraqlandıran suallar cavablandırılıb, onlara maarifləndirmə materialları paylanılıb.