8 Mart-Beynəlxalq Qadınlar Günü münasibəti ilə Lənkəran Rayon Mərkəzi Xəstəxanasında tədbir keçirilib.

Xəstəxanadan Aztibb.az-a bildirilib ki, qadınların danılmaz əməyi, qayğıkeşliyi, zəhmətə qiymət vermək bacarığlarını dəyərləndirmək məqsədilə təşkil olunan tədbirdə mərkəzin rəhbərliyi, tibb və qeyri-tibb heyəti iştirak edib.

Tədbiri giriş sözü ilə açan Lənkəran Rayon Mərkəzi Xəstəxanasının direktoru Ağabala Kəlbiyev səhiyyə sahəsində çalışan xanımların fədakarlığından danışaraq həm ailədə, həm də işdə qadın olaraq göstərdikləri iradə və dözümlülük, səhiyyənin inkişafında danılmaz əməy sərf etdiklərini dilə gətirib.

A.Kəlbiyev cəmiyyətdə və ailədə qadınların rolunu vurğulayaq bildirib ki, bu gün qadınlara ictimai həyatın bütün sferalarında bərabər imkanlar yaradılıb. Direktor qadınların bütün sahələrdə kişilərlə yanaşı geniş təmsil olunmalarını ölkəmizdə dövlət səviyyəsində qadınlara göstərilən ehtiramın bariz nümunəsi olduğunu söyləyib.

Sonda bütün tibb kollektiv adında əlamətdar gün münasibətilə xanım əməkdaşları səmimi qəlbdən təbrik edən müəssisə rəhbəri qadınlara işlərində və şəxsi həyatlarında müvəffəqiyyətlər arzulayıb.