Mərkəzdən Aztibb.az-a bildirilib ki, STM-nin laboratoriyalar üzrə koordinatoru, həkim-laborant (klinik biokimya mütəxəssisi) Cəlal Ağayev tərəfindən Sumqayıt Perinatal Mərkəzdə qadın sağlamlığı ilə bağlı təlim təşkil edilib.

 

Təlimdə əsas diqqət qadın cinsiyyət üzvlərinin infeksion xəstəliklərinin laborator diaqnostikası, patohistoloji müayinələrin aparılması və xərçəngönü xəstəliklərinin vaxtında aşkarlanması məqsədilə Pap smear testinin tətbiqi olub.

 

İcbari tibbi sığortanın Xidmətlər Zərfi çərçivəsində təmin olunan bu xidmətlər, qadın sağlamlığının keyfiyyətinin artırılması və əlçatanlığının təmin edilməsində mühüm rol oynayır.

 

Sumqayıt Tibb Mərkəzində Pap testlərinin tətbiqinə başlanılması qadın sağlamlığının qorunması sahəsində mühüm mərhələ hesab olunur.

 

Pap testlərinin vaxtında aparılması xəstəliklərin erkən diaqnozu və müalicəsinin effektivliyini artıraraq, cəmiyyətin ümumi sağlamlıq səviyyəsinin yüksəldilməsinə səbəb olur.

 

Pap smear testi, xüsusilə uşaqlıq yolu və uşaqlıq boynunda xərçəngönü hüceyrələrin erkən mərhələdə müəyyən edilməsi üçün tətbiq olunan effektiv üsuldur.