Səhiyyə Nazirliyi İctimai Səhiyyə və İslahatlar Mərkəzi (İSİM) tərəfindən hazırlanaraq çap olunan geniş çeşiddə maarifləndirmə materialları 2 nömrəli Bakı Baza Tibb Kollecinə təhvil verilib.

 

Aztibb.az-a İSİM-dən verilən məlumata görə, “Leykemiya və onun profilaktikası”, “İnsulta qarşı ayıq ol!”, “Böyrəklərin sağlamlığını bu gün qoru”, “Ağciyərlərin xroniki obstruktiv xəstəliyi” və digər mövzularda buklet, vərəqə, stiker və digər materiallarda sağlamlığın qorunması, xəstəliklərin əsas risk amillərinin qarşısının alınması istiqamətində tövsiyələr yer alıb.

 

Qeyd edək ki, ümumi tirajı 30 mindən çox olan çap materiallarının 2 nömrəli Bakı Baza Tibb Kollecinə və bu kollec vasitəsilə respublikamızda (Naxçıvan da daxil olmaqla) fəaliyyət göstərən 10 tibb kollecinə paylanılması nəzərdə tutulur.